أنـــا عطيب القلب وجروحي أجداد . . .

مدير نقاط : 13021

قابلتهم صدفة على غير ميعاد . .
الله يبلاهم . . مثل ما بلوني . . .

لا والله إلارحت من غير معواد . .
من يوم في سجن الغرام . . سجنوني . . .

سجن بليّا شبك وقياد وصفاد . .
لا شك في قيد الهوا . . قيّدوني . . .

لو إنّها غارات بسيوف و جياد . .
ما كنت من تحت الرماح . . مغبوني . . .

لكن رمح عيون غضات الأنهاد . .
أشدّ من ضرب القنا . . في عيوني . . .

لو قلت ابسلا وأقفل الباب مافاد . .
يا اهل الهوا . . بالله لا تنشدوني . . .

ومنهو نشدني قلت طيّب يانشّاد . .
ولو عادها مرّه . . اتجاوبإعيوني . . .

أهلّ دمع داخل الموق ينفاد . .
وأبكي على اللي . . بالهوىولّعوني . . .

أنـــا عطيب القلب وجروحي أجداد . .
كلّه سبايب . . ضامراتالبطوني . . .

اللي هواهن ّ يملك شيوخ وأسياد . .
وأنـــا مثل غيري . . وساعن طعوني . . .

دخلت في دوّامة العشق لا عاد . .
وعشقت لو العشق . . منّه نصحوني . . .

وحبّيت يوم الحبّ سلّم للأجواد . .
وحبّيت لي بنت . . هواها جنوني . . .

إللي غلاها دقّ في قلبي أوتاد . .
وسهم الغلا . . فيقلبي زلزل ركوني . . .

أشدّ من قصف الخواجه لبغداد . .
يوم القنابل . . مثل وبل المزوني